13 October, 2026 07:49:40 PM
കേന്ദ്രമന്ത്രി എൽ മുരുഗൻ രാജിവച്ചു: രാജ്യസഭാ എംപി സ്ഥാനവും രാജിവച്ചു
ചെന്നൈ: തമിഴ്നാട്ടിൽ നിന്നുള്ള കേന്ദ്രമന്ത്രി എൽ മുരുഗൻ രാജിവച്ചു. രാജ്യസഭാ എംപി സ്ഥാനവും രാജിവച്ചു. ബിജെപിയുടെ തമിഴ്നാട് ഘടകം മുൻ അധ്യക്ഷനായ മുരുകൻ മധ്യപ്രദേശിൽ നിന്നുള്ള രാജ്യസഭാംഗമായിരുന്നു. ബിജെപിയെ ശക്തിപ്പെടുത്താൻ സാധാരണ പ്രവർത്തകർക്കൊപ്പം നിലകൊള്ളുമെന്ന് എൽ മുരുകൻ പറഞ്ഞു. 2029 തിരഞ്ഞെടുപ്പിനായി പ്രവർത്തിക്കുമെന്നും എൽ മുരുകൻ വ്യക്തമാക്കി. ഒരു ദിവസവേതനക്കാരായ തൊഴിലാളികളുടെ മകനെ മന്ത്രിയാക്കിയതിൽ പ്രധാനമന്ത്രിയ്ക്ക് നന്ദിയെന്ന് അദേഹം പറഞ്ഞു.
താഴേതട്ടില്‍ പ്രവര്‍ത്തിച്ചാല്‍ മാത്രമേ ബിജെപിയെ ശക്തിപ്പെടുത്താന്‍ കഴിയൂ എന്ന് അദേഹം പറയുന്നു. രണ്ട് ദിവസം മുന്‍പ് പ്രധാനമന്ത്രി ചെന്നൈയിലെത്തിയപ്പോഴുള്ള പരിപാടികളില്‍ എല്‍ മുരുകന്‍ പങ്കെടുത്തിരുന്നു. നരേന്ദ്ര മോദിജിയുടെ നേതൃത്വത്തിലുള്ള കേന്ദ്ര മന്ത്രിസഭയിൽ സേവനമനുഷ്ഠിക്കാൻ കഴിഞ്ഞത് ജീവിതത്തിലെ ഏറ്റവും വലിയ ഭാഗ്യമായി കരുതുന്നുവെന്ന് എക്സ് പോസ്റ്റിൽ അദേഹം കുറിച്ചു.
