24 June, 2026 08:14:52 PM
കൊട്ടാരക്കര ടിപ്പര് അപകടം; മരിച്ചവരുടെ കുടുംബത്തിന് സര്ക്കാര് 5 ലക്ഷം രൂപ ധനസഹായം നല്കും
കൊട്ടാരക്കര: കൊട്ടാരക്കര നീലേശ്വരത്ത് വാഹനാപകടത്തില് മരിച്ച മൂന്നു പേരുടെ കുടുംബത്തിന് 5 ലക്ഷം രൂപ വീതം ധനസഹായം നല്കാനും തീരുമാനിച്ചു. പരുക്കേറ്റ് കഴിയുന്നവരുടെ ചികിത്സാ ചെലവ് സര്ക്കാര് ഏറ്റെടുക്കും. കൊട്ടാരക്കരയിലെ ടിപ്പര് അപകടത്തിന്റെ പശ്ചാത്തലത്തില് സംസ്ഥാന വ്യാപക പരിശോധന ശക്തമാക്കാനാണ് ട്രാന്സ്പോര്ട്ട് കമ്മീഷണറുടെ നിര്ദ്ദേശം. ഗതാഗത വകുപ്പിന്റെ നേതൃത്വത്തില് അപകടാനന്തര അന്വേഷണ സംഘം രൂപീകരിക്കും. നിയമലംഘനം നടത്തുന്നവര്ക്കെതിരെ കര്ശന നടപടിയുണ്ടാകുമെന്ന് ഗതാഗത വകുപ്പ് മന്ത്രി സി പി ജോണ് പറഞ്ഞു. അപകടത്തില് ജീവന് നഷ്ടമായ 15 കാരന് പാര്ഥിപന്റെയും അധ്യാപകന് ഹരിലാലിന്റെയും സംസ്ക്കാര ചടങ്ങുകള് വീട്ടുവളപ്പില് നടന്നു.
