13 June, 2026 01:21:24 PM
'നിപ കൈകാര്യം ചെയ്യുന്നത് ഗൗരവത്തോടെയല്ല'; അത്യന്തം ശോചനീയമായ നിലയെന്ന് പിണറായി
കോഴിക്കോട്: ആരോഗ്യവകുപ്പിനെ വിമര്ശിച്ച് പ്രതിപക്ഷ നേതാവ് പിണറായി വിജയന്. നിപ ഗൗരവമായി കൈകാര്യം ചെയ്യേണ്ട വിഷയമാണെന്നും ആ ഗൗരവത്തില് കൈകാര്യം ചെയ്യുന്നില്ലെന്നും പിണറായി വിജയന് പറഞ്ഞു. പ്രതിരോധ പ്രവര്ത്തനങ്ങളില് വീഴ്ചയുണ്ടെന്നും അദ്ദേഹം മാധ്യമങ്ങളോട് പറഞ്ഞു. അത്യന്തം ശോചനീയമായ നിലയിലാണ് കാര്യമെന്നും പിണറായി വിജയന് പറഞ്ഞു.
'ആരോഗ്യമന്ത്രി ഇതുവരെ സ്ഥലത്തെത്തിയില്ല. ആരോഗ്യ മേഖല സജ്ജമാക്കണം. ശക്തമായ ഇടപെടല് വേണം. സര്ക്കാര് എടുക്കേണ്ടുന്ന മുന്കരുതല് കാണുന്നില്ല. മന്ത്രിമാര് മെഡിക്കല് ബിരുദദാരികള് അല്ല. അത്യന്തം ശോചനീയമാണ് കാര്യങ്ങള്. മുമ്പ് എങ്ങനെ കൈകാര്യം ചെയ്തു എന്ന് പരിശോധിക്കണം', പിണറായി വിജയന് പറഞ്ഞു.
