05 May, 2026 02:11:32 PM
എനിക്ക് വേണ്ടി ഫ്ലക്സോ ബാനറോ ഉയർത്താൻ ആരോടും പറഞ്ഞിട്ടില്ല- കെ.സി. വേണുഗോപാൽ
ആലപ്പുഴ: കേരളത്തിന്റെ മുഖ്യമന്ത്രിയെ തിരഞ്ഞെടുക്കുന്നതിനുള്ള ഔദ്യോഗിക നടപടിക്രമങ്ങളിലേക്ക് കോൺഗ്രസ് പാർട്ടി കടക്കുകയാണെന്നും ഇക്കാര്യത്തിൽ എഐസിസി ഉടൻ തീരുമാനമെടുക്കുമെന്നും ജനറൽ സെക്രട്ടറി കെ.സി. വേണുഗോപാൽ അറിയിച്ചു. മുഖ്യമന്ത്രി പദത്തിനായി ബോർഡുകൾ സ്ഥാപിക്കുന്നതോ ബാനറുകൾ ഉയർത്തുന്നതോ ആയ പ്രചാരണ രീതികൾ കോൺഗ്രസിന്റെ രീതിയല്ലെന്ന് അദ്ദേഹം വ്യക്തമാക്കി. ഇത്തരം പ്രവർത്തനങ്ങൾ മുഖ്യമന്ത്രിയെ തീരുമാനിക്കുന്നതിൽ ഒരു ഘടകമാകില്ലെന്നും തനിക്കുവേണ്ടി ഫ്ലക്സുകൾ ഉയർത്താൻ ആരോടും ആവശ്യപ്പെട്ടിട്ടില്ലെന്നും അദ്ദേഹം പറഞ്ഞു. മുഖ്യമന്ത്രിയെ തീരുമാനിക്കാൻ പാർട്ടിക്ക് കൃത്യമായ വ്യവസ്ഥാപിത മാർഗങ്ങളുണ്ടെന്നും അദ്ദേഹം മാധ്യമങ്ങളോട് വിശദീകരിച്ചു.
