28 July, 2026 10:03:05 AM
ഊരാളുങ്കല് ലേബര് സൊസൈറ്റി ചെയര്മാന് രമേശന് പാലേരി അന്തരിച്ചു
കോഴിക്കോട്: ഊരാളുങ്കൽ ലേബർ കോൺട്രാക്റ്റ് കോ-ഓപ്പറേറ്റീവ് സൊസെെറ്റി ചെയര്മാന് രമേശന് പാലേരി(65) അന്തരിച്ചു. അർബുദ ബാധിതനായി ചികിത്സയിലിരിക്കെയാണ് അന്ത്യം. കോയമ്പത്തൂരിലെ കുമാർ ആശുപത്രിയിൽ ഇന്ന് രാവിലെയോടെയാണ് വിയോഗം. ഊരാളുങ്കൽ ലേബർ കോൺട്രാക്റ്റ് കോ-ഓപ്പറേറ്റീവ് സൊസെെറ്റി ചെയർമാനായി മൂന്നു പതിറ്റാണ്ടിലേറെയായി സ്ഥാപനത്തെ നയിക്കുകയാണ്.
ചെയര്മാനായി രമേശന് ചുമതലയേറ്റത് 1995ലാണ്. സൊസൈറ്റിയുടെ രണ്ടാമത്തെ പ്രസിഡന്റ് പാലേരി ചന്തമ്മന് രമേശന് പാലേരിയുടെ മുത്തച്ഛനായിരുന്നു. 32 വര്ഷം സൊസൈറ്റിയെ നയിച്ച പാലേരി കണാരന് ഇദ്ദേഹത്തിന്റെ പിതാവും. 100 വര്ഷത്തിനിടയില് 80 വര്ഷവും സൊസൈറ്റിയെ നയിക്കാനുള്ള ഭാഗ്യം ഇവരുടെ കുടുംബത്തിനുണ്ടായി. പിതാവിന്റെ വഴിയെ രമേശനും 32 വര്ഷം സൊസൈറ്റിയുടെ ചെയര്മാനായി.
