13 June, 2026 01:05:34 PM
അസമില് ലാന്ഡിങ്ങിനിടെ വ്യോമസേന വിമാനം തകര്ന്നു
ജോര്ഹട്ട്: അസമില് ലാന്ഡിങ്ങിനിടെ വ്യോമസേന വിമാനം തകര്ന്നുവീണു. എഎൻ-32 ട്രാന്സ്പോര്ട്ട് എയര്ക്രാഫ്റ്റാണ് അസമിലെ ജോര്ഘട്ടിലുള്ള റോറിയ എയര്ഫോഴ്സ് സ്റ്റേഷനിലാണ് തകര്ന്നത്. പൈലറ്റ് മരിച്ചുവെന്ന് സ്ഥിരീകരിക്കാത്ത റിപ്പോർട്ടുകളുണ്ട്. ലാന്ഡ് ചെയ്യുന്നതിനിടെ തീപിടിച്ചെന്നാണ് വിവരം.
അപ്പര് അസമിലെ തന്ത്രപ്രധാനമായ എയര്ബേസിന്റെ പരിസരത്താണ് വിമാനം തകര്ന്ന് വീണത്. സേനയുടെ ചരക്കുവിമാനം തകര്ന്നുവീണെന്നും എമര്ജന്സി സംഘം പ്രദേശത്തെത്തി രക്ഷാപ്രവര്ത്തനം നടത്തുകയാണെന്നും വ്യോമ സേന വ്യക്തമാക്കിയിട്ടുണ്ട്.
അപകടത്തിന്റെ കാരണം ഇതുവരെ കണ്ടെത്താനായിട്ടില്ല. ആളപായമോ പരിക്കുകളോ സംബന്ധിച്ച വിശദാംശങ്ങളും ലഭ്യമായിട്ടില്ല. വിമാനം പതിവ് പറക്കലിലായിരുന്നുവെന്ന് റിപ്പോർട്ടുകൾ സൂചിപ്പിക്കുന്നത്. സംഭവത്തിൽ ഇന്ത്യൻ വ്യോമസേന അന്വേഷണം ആരംഭിച്ചിട്ടുണ്ട്. സ്ഥിതിഗതികൾ വിലയിരുത്തിയ ശേഷം കൂടുതൽ വിവരങ്ങൾ നൽകുമെന്നും അധികൃതർ വ്യക്തമാക്കിയിട്ടുണ്ട്.
