11 October, 2026 01:56:41 PM
മാധ്യമങ്ങളെ കാണുന്നതിനിടെ ജോൺ ബ്രിട്ടാസ് എംപിയെ വലിച്ചിഴച്ച് കസ്റ്റഡിയിലെടുത്തു
ഡൽഹി: ജന്തർമന്തർ 2.0 സമരക്കാരെ അന്യായമായി തടങ്കലിൽ വയ്ക്കുന്നതിനെതിരായ സുപ്രീം കോടതി വിധിയെ സ്വാഗതം ചെയ്ത് മാധ്യമപ്രവർത്തകരോട് സംസാരിക്കുന്നതിനിടെ ജോൺ ബ്രിട്ടാസ് എംപിയെ തൂക്കിയെടുത്ത് റോഡിലൂടെ വലിച്ചിഴച്ച് കൊണ്ടുപോയി കസ്റ്റഡിയിലെടുത്ത് ഡൽഹി പൊലീസ്. നിരവധി മാധ്യമങ്ങളുടെ മുന്നിൽവച്ചാണ് പൊലീസ് ബലം പ്രയോഗിച്ച് ബ്രിട്ടാസിനെ കസ്റ്റഡിയിലെടുത്തത്.
വാഹനത്തിലേക്ക് കയറ്റിയതിന് പിന്നാലെ എംപിക്ക് ശ്വാസംമുട്ടലും നെഞ്ചുവേദനയും അനുഭവപ്പെട്ടു. നടക്കുന്നത് നരനായാട്ടാണെന്നും ഒരു കാരണവശാലും പിന്തിരിയില്ലെന്നും അവസാന ശ്വാസം വരെ സമരരംഗത്ത് തന്നെ തുടരുമെന്നും ജോൺ ബ്രിട്ടാസ് മാധ്യമങ്ങളോട് പറഞ്ഞു. ദേഹാസ്വാസ്ഥ്യത്തെ തുടർന്ന് വയ്യാതായതിന് പിന്നാലെ ജോൺ ബ്രിട്ടാസിനെ പൊലീസ് ആശുപത്രിയിൽ എത്തിക്കാതെ വഴിയരികിൽ ഇറക്കിവിടുകയായിരുന്നു. വാഹനത്തിൽ വച്ച് ഡിസിപിയെ വിളിച്ചതോടെ വഴിയിൽ ഇറക്കി വിടുകയായിരുന്നു.
