10 August, 2026 08:37:52 PM
കൊളംബിയയിലും ഇക്വഡോറിലും വന് ഭൂചലനം; 7.4 തീവ്രത രേഖപ്പെടുത്തി
ബൊഗോട്ട: കൊളംബിയയില് വന് ഭൂചലനം. തലസ്ഥാനമായ ബൊഗോട്ടയില് ഉള്പ്പടെ റിക്ടര് സ്കെയിലില് 7.4 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്ന് യുണൈറ്റഡ് സ്റ്റേറ്റ് ജിയോളജിക്കല് സര്വേയുടെ റിപ്പോര്ട്ട് പറയുന്നു. അയല്രാജ്യങ്ങളായ ഇക്വഡോറിലും പനാമയിലും വെനസ്വേലയിലും ഭൂചലനം അനുഭവപ്പെട്ടതായാണ് റിപ്പോര്ട്ട്.
പ്രാദേശിക സമയം തിങ്കളാഴ്ച രാവിലെ 7.34-നായിരുന്നു ഭൂചലനമുണ്ടായത്. ബൊഗോട്ടയില് നിന്ന് ഏകദേശം 400 കിലോമീറ്റര് പടിഞ്ഞാറ് ഭാഗത്തായുള്ള സാന് ഹോസ് ഡെല് പാല്മര് എന്ന സ്ഥലമാണ് ഭൂകമ്പത്തിന്റെ പ്രഭവകേന്ദ്രമെന്ന് റിപ്പോര്ട്ടുകള് പറയുന്നു. കിലോമീറ്ററുകള്ക്കപ്പുറം ഭൂചലനത്തിന്റെ പ്രകമ്പനം അനുഭവപ്പെട്ടു.
