17 March, 2026 12:01:53 PM
തൃശ്ശൂരിൽ പൊലീസിന് നേരെ ഗുണ്ടാ ആക്രമണം: എസ്ഐയ്ക്ക് കുത്തേറ്റു
തൃശ്ശൂർ: മൂർക്കനിക്കരയിൽ പൊലീസിനു നേരെ ഗുണ്ടാ ആക്രമണം. ഒല്ലൂർ പൊലീസ് സ്റ്റേഷനിലെ എസ് ഐ വരുൺ ഉള്പ്പെടെ നാല് പേർക്കാണ് പരിക്കേറ്റത്. അക്രമികൾ കത്തി വീശുന്നതിനിടെ വരുണിന്റെ കൈപ്പത്തിക്കുള്ളിലാണ് കുത്തേറ്റത്. എഎസ്ഐ അജിത്, പൊലീസുകാരായ നിരാജ് മോൻ, വിനീത് എന്നിവരാണ് പരിക്കേറ്റ മറ്റുള്ളവർ. സംഭവത്തിൽ കൊലക്കേസിലടക്കം പ്രതികളായ വിഷ്ണുജിത്ത്, ജിഷ്ണു എന്നിവർ പിടിയിലായി. പൊലീസുകാർ ജില്ലാ ആശുപത്രിയിൽ ചികിത്സയിലാണ്.
