22 August, 2025 09:11:34 AM
കൊച്ചിയില്‍ പതിനേഴുകാരി പ്രസവിച്ചു; പോക്‌സോ കേസില്‍ ഭര്‍ത്താവ് അറസ്റ്റില്‍
കൊച്ചി: പ്രായപൂര്‍ത്തിയാകാത്ത പെണ്‍കുട്ടി പ്രസവിച്ച സംഭവത്തില്‍ കൊച്ചിയില്‍ ഭര്‍ത്താവ് അറസ്റ്റില്‍. മധുര സ്വദേശിയായ യുവാവിനെയാണ് കാക്കനാട് പൊലീസ് അറസ്റ്റുചെയ്തത്. പോക്‌സോ നിയമം പ്രകാരമാണ് ഭര്‍ത്താവിനെതിരെ കേസെടുത്തത്. വ്യാഴാഴ്ച പുലര്‍ച്ചെയായിരുന്നു തൃക്കാക്കരയിലെ ആശുപത്രിയില്‍ വച്ച് പതിനേഴുകാരി പ്രസവിച്ചത്. ആധാര്‍ കാര്‍ഡില്‍ നിന്ന് പെണ്‍കുട്ടിയുടെ പ്രായം ബോധ്യപ്പെട്ട ആശുപത്രി അധികൃതര്‍ വിവരം പൊലീസിനെ അറിയിക്കുകയായിരുന്നു.
