05 May, 2025 07:00:30 PM
വയനാട്ടില്‍ പുഴയിൽ കുളിക്കാൻ പോയ രണ്ട് വിദ്യാർഥികൾ മുങ്ങി മരിച്ചു
മാനന്തവാടി: വയനാട് വാളാട് പുഴയിൽ കുളിക്കാൻ പോയ കുട്ടികൾ മുങ്ങി മരിച്ചു. രണ്ട് കുട്ടികളാണ് മരിച്ചത്. പുലിക്കാട്ട് കടവ് പുഴയോട് ചേർന്നുള്ള ചെക്ക് ഡാമിലാണ് വിദ്യാർത്ഥികൾ മുങ്ങിയത്. അപകടത്തിൽപ്പെട്ട കുട്ടികളെ മാനന്തവാടി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. മരിച്ച കുട്ടികളിൽ ഒരാൾ ഒമ്പതാം ക്ലാസ് വിദ്യാർത്ഥിയാണ്. മറ്റൊരാൾ പത്താം ക്ലാസ് വിദ്യാർത്ഥിയും. അഞ്ചു കുട്ടികളാണ് അപകടത്തിൽപ്പെട്ടത്. ഇതിൽ മൂന്നു പേരെ രക്ഷപ്പെടുത്താൻ സാധിച്ചു. എന്നാൽ രണ്ടുപേരെ രക്ഷിക്കാൽ സാധിച്ചില്ല. മരിച്ച രണ്ടു കുട്ടികളും ബന്ധുക്കളാണ്.
