30 July, 2026 10:26:13 AM
തൈക്കാട്ടുശ്ശേരി ബിവറേജ് ഔട്ട്ലെറ്റിൽ മദ്യം വാങ്ങാനെത്തിയ മധ്യവയസ്കനെ യുവാക്കൾ തല്ലിച്ചതച്ചു
ആലപ്പുഴ: തൈക്കാട്ടുശ്ശേരി ബിവറേജ് ഔട്ട്ലെറ്റിന് മുന്നിൽ മദ്യം വാങ്ങാനെത്തിയ വയോധികന് ഗുണ്ടാസംഘത്തിന്റെ ക്രൂരമർദനം. യുവാക്കളുടെ സംഘമാണ് വയോധികനെ പരസ്യമായി തല്ലിച്ചതച്ചത്. മദ്യം വാങ്ങാനെത്തിയവർ നോക്കിനിൽക്കെയായിരുന്നു അക്രമം. ഔട്ട്ലെറ്റിലെത്തുന്നവരിൽ നിന്ന് നിർബന്ധിതമായി ഗുണ്ടാപ്പിരിവ് വാങ്ങുന്നതും, പണം നൽകാൻ വിസമ്മതിക്കുന്നവരെ ആക്രമിക്കുന്നതും ഇവിടെ പതിവായി മാറിയിരിക്കുകയാണ്. സാമൂഹ്യവിരുദ്ധരുടെ ശല്യം രൂക്ഷമായതോടെ സാധാരണക്കാരായ ആളുകൾ ഭയത്തോടെയാണ് ഔട്ട്ലെറ്റിലേക്ക് എത്തുന്നത്.
