10 July, 2026 07:37:17 PM
മല്ലപ്പള്ളിയിൽ റോഡ് മുറിച്ച് കടക്കുന്നതിനിടെ സ്വകാര്യ ബസിടിച്ച് വീട്ടമ്മയ്ക്ക് ദാരുണാന്ത്യം
തിരുവല്ല: പത്തനംതിട്ട് മല്ലപ്പള്ളിയിൽ സ്വകാര്യ ബസിടിച്ച് വീട്ടമ്മയ്ക്ക് ദാരുണാന്ത്യം. മല്ലപ്പള്ളി വെസ്റ്റ് വള്ളിക്കാട്ടിൽ വർഗീസ് വർഗീസിന്റെ (അനിയൻ)ഭാര്യ മേരിക്കുട്ടി വർഗീസ് (മറിയകുട്ടി- 62) ആണ് മരിച്ചത്. ഇന്ന് രാവിലെ 10 മണിയോടെ മല്ലപ്പള്ളി വെസ്റ്റ് വൈ എം സി എ ജംഗ്ഷനിലായിരുന്നു അപകടം. റോഡ് മുറിച്ചുകടക്കുന്നതിനിടെ കോട്ടയം പന്തളം റൂട്ടിൽ സർവീസ് നടത്തുന്ന സ്വകാര്യ ബസ് മറിയക്കുട്ടിയെ ഇടിയ്ക്കുകയായിരുന്നു. ഓടിക്കൂടിയ നാട്ടുകാർ ചേർന്ന് മൃതദേഹം ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. നെടുങ്ങാടപ്പള്ളിയിൽ പ്രാർത്ഥന യോഗത്തിൽ പങ്കെടുക്കാൻ പോകുന്നതിനിടയിലാണ് അപകടം സംഭവിച്ചത്
