10 July, 2026 10:56:39 AM
നെഞ്ചുവേദനയായിട്ടും ക്യൂവില് നിര്ത്തി; നെയ്യാറ്റിൻകര സർക്കാർ ആശുപത്രിയിൽ രോഗി കുഴഞ്ഞുവീണു മരിച്ചു
തിരുവനന്തപുരം: നെയ്യാറ്റിൻകര ജില്ലാ ജനറൽ ആശുപത്രിയിൽ ഡോക്ടറെ കാണാൻ ക്യൂ നിന്ന ആൾ കുഴഞ്ഞ് വീണ് മരിച്ചു. നെയ്യാറ്റിൻകര കൂട്ടപ്പന സ്വദേശി രാജേഷ് കുമാർ 52 ആണ് കുഴഞ്ഞ് വീണ് മരിച്ചത്. കഠിനമായ നെഞ്ചുവേദന എടുക്കുന്നു എന്ന് പറഞ്ഞിട്ടും ഡോക്ടറെ കാണാൻ അനുവദിച്ചില്ല എന്നും ക്യുവിൽ പിടിച്ച് നിർത്തുകയായിരുന്നുവെന്നും ബന്ധുക്കളും നാട്ടുകാരും ആരോപിച്ചു. പിന്നാലെ, ആശുപത്രിയിൽ സംഘർഷാവസ്ഥയുണ്ടായി. ജില്ലാ ജനറൽ ആശുപത്രിയിൽ നാടുകാരും പൊതുപ്രവർത്തകരും പ്രതിഷേധവുമായി രംഗത്തെത്തി.
