18 June, 2026 01:15:33 PM
പത്തനംതിട്ടയിൽ അങ്കണവാടി ജീവനക്കാരി മരിച്ച നിലയിൽ
ഗവി: പത്തനംതിട്ട ഗവിയില് യുവതിയെ മരിച്ച നിലയില് കണ്ടെത്തി. ഗവി സ്വദേശിനിയായ അങ്കണവാടി ജീവനക്കാരിയാണ് മരിച്ചത്. 32വയസായിരുന്നു. പ്രദേശത്തെ മീനാര് മൂന്ന് ഷെഡ് വളവിലാണ് മൃതദേഹം കണ്ടെത്തിയത്. ഇന്ന് രാവിലെ വീട്ടില് നിന്നും അങ്കണവാടിയിലേക്ക് പുറപ്പെട്ട യുവതിയുടെ മൃതദേഹം തോട്ടില് കിടക്കുന്ന നിലയിലാണ് കണ്ടെത്തിയത്. ഇവര് ബലാത്സംഗത്തിന് ഇരയായിട്ടുണ്ടെന്ന് സംശയമുണ്ട്. ഇക്കാര്യത്തില് വ്യക്തത വരേണ്ടതുണ്ട്. അങ്കണവാടിയിലേക്ക് എത്താത്തതിനെ തുടര്ന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്. മൃതദേഹത്തില് വസ്ത്രങ്ങള് കീറിയ നിലയിലാണ്. സംഭവത്തില് മൂഴിയാര് പൊലീസ് അന്വേഷണം ആരംഭിച്ചു. കൊലപാതകമെന്ന് സംശയമുണ്ട്. സംഭവത്തില് ഒരാളെ പൊലീസ് കസ്റ്റഡിയില് എടുത്തിട്ടുണ്ട്.
