28 April, 2026 04:10:54 PM
ഇടുക്കിയില് രണ്ടുപേര്ക്ക് പാമ്പ് കടിയേറ്റു
തൊടുപുഴ: ഇടുക്കിയില് രണ്ടുപേര്ക്ക് പാമ്പ് കടിയേറ്റു. കുഞ്ചിത്തണ്ണി എല്ലക്കല്ല് സ്വദേശി അജയ്(14), രാജകുമാരി സ്വദേശി പോള്സണ് എന്നിവര്ക്കാണ് കടിയേറ്റത്. ഇന്ന് പുലര്ച്ചെ ശുചിമുറിയില് പോകുന്നതിനിടെയാണ് പോള്സണിന് പാമ്പ് കടിയേറ്റത്. അജയ്ക്ക് 11 മണിയോടെയാണ് പാമ്പ് കടിയേറ്റത്. ഇരുവരെയും കടിച്ചത് വെള്ളിക്കെട്ടന് ഇനത്തില്പ്പെട്ട പാമ്പാണെന്നാണ് നിഗമനം. രണ്ടുപേരുടെയും ആരോഗ്യസ്ഥിതിയില് ആശങ്കപ്പെടേണ്ട സാഹചര്യമില്ല.
ഇരുവരും അടിമാലി താലൂക്ക് ആശുപത്രിയില് ചികിത്സയിലാണ്.
