03 December, 2025 08:44:50 PM
അടിമാലിയില് അഞ്ചാം ക്ലാസ് വിദ്യാര്ത്ഥി വീടിനുള്ളില് മരിച്ച നിലയില്
അടിമാലി: ഇടുക്കി അടിമാലി തോക്കുപാറയില് അഞ്ചാം ക്ലാസ് വിദ്യാര്ത്ഥിയെ മരിച്ച നിലയില് കണ്ടെത്തി. തോക്കുപാറ ഈട്ടിക്കല് അനൂപ്-ജോല്സി ദമ്പതികളുടെ മകന് ആഡ്ബി(10)യെയാണ് മരിച്ച നിലയില് കണ്ടെത്തിയത്. വീടിനുള്ളില് തൂങ്ങിയ നിലയിലാരുന്നു മൃതദേഹം.
അടിമാലി വിശ്വദീപ്തി പബ്ലിക് സ്കൂളിലെ വിദ്യാര്ത്ഥിയായിരുന്നു ആഡ്ബി. വെള്ളത്തൂവല് പൊലീസ് സ്ഥലത്തെത്തി തുടര്നടപടികള് സ്വീകരിച്ചു. മൃതദേഹം അടിമാലിയിലെ ആശുപത്രി മോര്ച്ചറിയിലേക്ക് മാറ്റി. ആത്മഹത്യയെന്നാണ് പ്രാഥമിക നിഗമനം.
