25 August, 2025 09:47:50 AM
തിരുവനന്തപുരത്ത് പ്ലസ് ടു വിദ്യാര്‍ഥിനി തൂങ്ങി മരിച്ച നിലയില്‍
തിരുവനന്തപുരം: ഉദിയന്‍കുളങ്ങര കൊറ്റാമത്ത് പ്ലസ് ടു വിദ്യാര്‍ഥിനിയെ തൂങ്ങിമരിച്ച നിലയില്‍ കണ്ടെത്തി. കെഎസ്ആര്‍ടിസി റിട്ടയര്‍ ഉദ്യോഗസ്ഥന്‍ ശ്രീരാജ്- സുചിത്ര ദമ്പതികളുടെ മകള്‍ ആര്‍ദ്രയാണ് (17) മരിച്ചത്. ആറയൂര്‍ ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ പ്ലസ് ടു വിദ്യാര്‍ഥിനിയാണ്.
ഇന്നലെ രാത്രി ഭക്ഷണം കഴിക്കാന്‍ അമ്മ വിളിച്ചപ്പോഴാണ് ആര്‍ദ്രയെ കിടപ്പ് മുറിയില്‍ തൂങ്ങിയ നിലയില്‍ കണ്ടെത്തിയത്. ഏറെ നേരം വിളിച്ചിട്ടും വാതില്‍ തുറക്കാതെയായപ്പോഴാണ് അമ്മ സുചിത്ര ആര്‍ദ്രയുടെ മുറിയിലേക്ക് പോയി നോക്കിയത്. ഉടന്‍ തന്നെ സുചിത്ര ബന്ധുക്കളെ വിളിക്കുകയും ആര്‍ദ്രയെ നെയ്യാറ്റിന്‍കരയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ആര്‍ദ്രയുടെ പിതാവ് പുറത്തു പോയിരുന്ന സമയത്തായിരുന്നു സംഭവം. പാറശ്ശാല പൊലീസ് സ്ഥലത്തെത്തി പരിശോധന നടത്തി. ആത്മഹത്യ ചെയ്യാനിടയായ കാരണം ഇതുവരെ വ്യക്തമായിട്ടില്ല.
