23 May, 2025 01:44:56 PM
ഒറ്റപ്പാലത്ത് പ്രഭാത സവാരിക്കിറങ്ങിയവർക്ക് തെരുവ് നായയുടെ ആക്രമണം
പാലക്കാട്: പാലക്കാട് ഒറ്റപ്പാലത്ത് പ്രഭാത സവാരിക്കിറങ്ങിയവർക്ക് നേരെ തെരുവ് നായയുടെ ആക്രമണം. പരിക്കേറ്റ രണ്ട് പേരെ ആശുപത്രിയിൽ പ്രവേശിപ്പിച്ചു. മായന്നൂർ സ്വദേശികളായ കോമളവല്ലി, റഷീദ് എന്നിവരെയാണ് തെരുവ് നായ ആക്രമിച്ചത്.
റഷീദിന്റെ കയ്യിനും കാലിനും നെഞ്ചിലുമാണ് നായയുടെ കടിയേറ്റത്. ഇയാളെ വിദഗ്ധ ചികിത്സയ്ക്കായി തൃശൂർ മെഡിക്കൽ കൊളജിലേക്ക് മാറ്റി. മായന്നൂർ പാലത്തിന് മുകളിൽ പ്രഭാത സവാരിക്കിടെയായിരുന്നു നായ ആക്രമിച്ചത്. അതേസമയം നായയ്ക്ക് പേവിഷബാധയുണ്ടോ എന്നും സംശയം ഉണ്ട്.
