19 September, 2026 09:48:07 AM
പാലക്കാട് ടർഫിൽ ഫുട്ബോൾ കളിക്കുന്നതിനിടെ 16കാരൻ കുഴഞ്ഞുവീണ് മരിച്ചു
പാലക്കാട്: ടര്ഫില് ഫുട്ബോള് കളിക്കുന്നതിനിടെ പ്ലസ് വണ് വിദ്യാര്ത്ഥി കുഴഞ്ഞുവീണ് മരിച്ചു. ശ്രീകൃഷ്ണപുരം തോട്ടര എല്പി സ്കൂളിന് സമീപം കോട്ടയില് രാജന്-ദീപ ദമ്പതികളുടെ മകനായ ദില്രാജ്(16) ആണ് മരിച്ചത്. ഇന്നലെ രാത്രി പത്ത് മണിയോടെ ആയിരുന്നു സംഭവം. കരിമ്പുഴയിലെ ടര്ഫില് കൂട്ടുകാര്ക്കൊപ്പം ഫുട്ബോള് കളിച്ചു കൊണ്ടിരിക്കെയായിരുന്നു കുഴഞ്ഞുവീണത്. ഉടന് തന്നെ മാങ്ങോട് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
