14 September, 2026 11:50:01 AM
കൊല്ലങ്കോട് ജനവാസമേഖലയിലിറങ്ങിയ പുലി കൂട്ടിൽ കുടുങ്ങി
പാലക്കാട് : പാലക്കാട് കൊല്ലങ്കോട് മാത്തൂരിൽ ജനവാസമേഖലയിലിറങ്ങിയ പുലി വനംവകുപ്പ് സ്ഥാപിച്ച കൂട്ടിൽ കുടുങ്ങി. രണ്ട് മാസത്തിനിടെ പ്രദേശത്ത് കുടുങ്ങുന്ന രണ്ടാമത്തെ പുലിയാണിത്. ഏറെ നാളായി പ്രദേശത്തെ ജനങ്ങളെ ഭീതിയിലാഴ്ത്തിയ പുലിയാണ് ഇന്നലെ രാത്രിയോടെ കൂട്ടിൽ കുടുങ്ങിയത്. രണ്ട് വയസുവരുന്ന പുലിയാണ് കുടുങ്ങിയത്. പിടികൂടിയ പുലിയെ തിങ്കളാഴ്ച പുലർച്ചെ നെല്ലിയാമ്പതി തുത്തംപാറ വനമേഖലയിലെത്തിച്ചു. വൈദ്യപരിശോധനകൾക്കു ശേഷം പുലിയെ പറമ്പിക്കുളം വനമേഖലയിലേക്ക് തുറന്നുവിട്ടു.
