22 July, 2026 10:46:42 AM
സ്വർണവില കത്തിക്കയറി; പവന് ഒറ്റയടിക്ക് വര്ധിച്ചത് 1680 രൂപ
കൊച്ചി: സംസ്ഥാനത്ത് സ്വര്ണവിലയില് ഇന്ന് വര്ധന. പവന് ഒറ്റയടിക്ക് 1,680 രൂപ കൂടി 1,07,440 രൂപയിലെത്തി. ഗ്രാമിന് 210 രൂപ വര്ധിച്ച് 13,430 രൂപയുമായി. 18 കാരറ്റ് സ്വര്ണവില ഗ്രാമിന് 175 രൂപ വര്ധിച്ച് 11,035 രൂപയിലെത്തി. നികുതിയും പണിക്കൂലിയും കൂട്ടാതെ തന്നെ 18 കാരറ്റ് സ്വര്ണം പവന് വില 88,280 രൂപയാണ്. നികുതിയും പണിക്കൂലിയും ചേര്ന്നാല് വില ഒരുലക്ഷം രൂപയോളമാകും. 14 കാരറ്റ് സ്വര്ണം ഗ്രാമിന് 130 രൂപ ഉയര്ന്ന് വില 8595 രൂപയായി. പവനുവില 68,760 രൂപയുമായി. ഈ മാസമാദ്യം 1,03,240 രൂപയായിരുന്നു പവന്വില. പിന്നീട് പല ദിവസങ്ങളായി 1,07,800 രൂപ വരെ ഉയര്ന്നു. ഇന്നലെ പവന് 560 രൂപയാണ് വര്ധിച്ചത്.
