17 July, 2026 03:43:16 PM
പാലക്കാട് വിദ്യാർഥികൾക്ക് നേരെ ലോറി പാഞ്ഞുകയറി അപകടം; ഒരു മരണം
പാലക്കാട്: മുണ്ടൂരിൽ നിയന്ത്രണം വിട്ട ലോറി വിദ്യാർഥികൾക്കിടയിലേക്ക് പാഞ്ഞുകയറി ഉണ്ടായ വൻ അപകടത്തിൽ ഒരു വിദ്യാർത്ഥി മരിച്ചു. കോളേജ് വിദ്യാർത്ഥിയായ മുഹമ്മദ് ഫർഹാനാണ് മരിച്ചത്. മുണ്ടൂർ ഒമ്പതാം മൈലിൽ വെച്ചാണ് ദാരുണമായ ഈ അപകടം സംഭവിച്ചത്. ആശുപത്രികളിൽ നിന്നുള്ള മാലിന്യ ശേഖരണവുമായി പോവുകയായിരുന്ന ലോറിയാണ് റോഡരികിൽ നിന്നിരുന്ന വിദ്യാർത്ഥികൾക്ക് നേരെ ഇടിച്ചു കയറിയത്. അപകടത്തിൽ മറ്റ് മൂന്ന് വിദ്യാർത്ഥികൾക്ക് ഗുരുതരമായി പരിക്കേറ്റിട്ടുണ്ട്. ഇവരെ ഉടൻ തന്നെ ആശുപത്രിയിൽ പ്രവേശിപ്പിച്ചു. ഇന്ന് ഉച്ചയോടെയായിരുന്നു സംഭവം നടന്നത്.
