10 February, 2026 01:15:30 PM
വടക്കൻ പറവൂരിൽ കാർ പുഴയിലേക്ക് വീണ് അപകടം
എറണാകുളം: എറണാകുളം വടക്കൻ പറവൂർ തട്ടുകടവ് പാലത്തിന് സമീപം കാർ പുഴയിലേക്ക് വീണു. എടവനക്കാട് സ്വദേശികളുമായി എത്തിയ വാഹനമാണ് പുഴയിലേക്ക് വീണത്. അപ്പോൾ കാറിൽ ഡ്രൈവർ മാത്രമാണ് ഉണ്ടായിരുന്നത്. ഡ്രൈവർ കാർ പുറകിലേക്ക് എടുത്തപ്പോൾ മറ്റൊരു വാഹനം വരുകയും വെട്ടിച്ചു മാറ്റുന്ന സമയത്ത് കാർ പുഴയിലേക്ക് വീഴുകയും ആയിരുന്നു. ഡ്രൈവർക്ക് കാര്യമായി പരിക്കില്ല. കാർ ഉയർത്താനുള്ള ശ്രമം നടക്കുകയാണ്.
