08 January, 2026 03:06:59 PM
തിരുവനന്തപുരത്ത് ബൈക്കിന് പിന്നിൽ ലോറി ഇടിച്ച് യുവാവും യുവതിയും മരിച്ചു
തിരുവനന്തപുരം: ദേശീയപാതയിൽ പള്ളിച്ചലിൽ ബൈക്കിന് പിന്നിൽ ലോറി ഇടിച്ച് യുവാവിനും യുവതിക്കും ദാരുണാന്ത്യം. മുക്കോല സ്വദേശി അമൽ (21), ഒപ്പമുണ്ടായിരുന്ന ആലപ്പുഴ കൈചൂണ്ടിമുക്ക് സ്വദേശിനി ദേവികൃഷ്ണ എന്നിവരാണ് മരിച്ചത്.
പള്ളിച്ചൽ സിഗ്നലിന് സമീപം ബൈക്ക് നിർത്തിയിട്ടിരിക്കുമ്പോൾ പുറകിൽ വന്ന ലോറി ഇടിക്കുകയായിരുന്നു. ഇരുവരും ലോറിക്കടിയിൽപെടുകയായിരുന്നു. തൃക്കണ്ണാപുരത്ത് ലോഡ് ഇറക്കിയതിനു ശേഷം നെയ്യാറ്റിൻകരയിലേക്ക് തിരിച്ചു പോവുകയായിരുന്നു ലോറി. ലോറി ഡ്രൈവറെ നേമം പോലീസ് കസ്റ്റഡിയിലെടുത്തു. മൃതദേഹങ്ങൾ തിരുവനന്തപുരം മെഡിക്കൽ കോളേജിലേക്ക് മാറ്റി.
