19 December, 2025 10:14:45 AM
വാളയാറിൽ ആൾക്കൂട്ട മർദനത്തിനിരയായ ഇതര സംസ്ഥാന തൊഴിലാളി മരിച്ചു
പാലക്കാട്: വാളയാറിൽ ആൾക്കൂട്ടത്തിന്റെ മർദ്ദനമേറ്റ് ഇതര സംസ്ഥാന തൊഴിലാളി മരിച്ചു. ഛത്തീസ്ഗഢ് സ്വദേശി രാംനാരായണനാണ് മരിച്ചത്. സംശയാസ്പദമായ രീതിയിൽ യുവാവിനെ കണ്ട തൊഴിലുറപ്പ് തൊഴിലാളികൾ പ്രദേശത്തെ യുവാക്കളെ വിവരം അറിയിക്കുകയും തുടർന്നുണ്ടായ വാക്കുതർക്കത്തിലാണ് മർദനം ഉണ്ടായത്. കള്ളൻ എന്നാരോപിച്ചായിരുന്നു യുവാക്കളുടെ മർദനം. നാലുമണിക്കൂറോളം കഴിഞ്ഞാണ് പൊലീസ് സംഭവസ്ഥലത്ത് എത്തി യുവാവിനെ ജില്ലാ ആശുപത്രിയിലേക്ക് മാറ്റിയത്.
മർദനത്തിൽ രാംനാരായണന്റെ ആന്തരിക അവയവങ്ങൾക്കടക്കം പരിക്കേറ്റിരുന്നു. ഇയാളുടെ പോസ്റ്റ്മാർട്ടം ഇന്ന് നടക്കും. തൃശൂർ മെഡിക്കൽ കോളജിൽ ആണ് പോസ്റ്റ്മാർട്ടം നടക്കുക. ബുധനാഴ്ചയാണ് സംഭവം നടന്നത്. 3 പേരെ പൊലീസ് അറസ്റ്റ് ചെയ്തിട്ടുണ്ട്. ഇവരെ ചോദ്യം ചെയ്യുന്നത്തിലൂടെ കൂടുതൽ പ്രതികളിലേക്ക് എത്താൻ കഴിയും എന്നാണ് പൊലീസിന്റെ വിലയിരുത്തൽ.
