13 July, 2025 02:31:33 PM
സെക്രട്ടേറിയറ്റ് വളപ്പിൽ പാമ്പ്; പൊലീസുകാരിക്ക് ഡ്യൂട്ടിക്കിടെ കടിയേറ്റു
തിരുവനന്തപുരം: സെക്രട്ടേറിയറ്റലെ രാത്രി ഡ്യൂട്ടിക്കിടെ പൊലീസുകാരിക്ക് പാമ്പു കടിയേറ്റു. കഴിഞ്ഞ ദിവസം രാത്രി സെക്രട്ടേറിയറ്റ് വളപ്പിൽ‌വച്ചാണ് വനിതാ ബറ്റാലിയയിലെ ഉദ്യോഗസ്ഥയ്ക്ക് പാമ്പുകടിയേറ്റത്.ആശാ വർക്കർമാരുടെ സമരത്തിന്റെ ഭാഗമായി 10 വനിതാ പൊലീസുകാരെ സെക്രട്ടേറിയറ്റിൽ രാത്രി സുരക്ഷാ ജോലിക്ക് നിയോഗിക്കാറുണ്ട്. 8 പേർ സെക്രട്ടേറിയറ്റിനു മുന്നിലെ സമരപന്തലിന് സമീപവും രണ്ടുപേർ അകത്തുമാണ് ഉണ്ടാകുക. പൊലീസുകാരി ഇപ്പോഴും ആശുപത്രിയിൽ നിരീക്ഷണത്തിലാണ്. ആരോഗ്യനിലയിൽ പ്രശ്നങ്ങളില്ലെന്ന് മെഡിക്കൽ കോളേജ് ആശുപത്രി അധികൃതർ പറഞ്ഞു.
