27 December, 2025 08:01:36 PM
പാലക്കാട് ചിറ്റൂരില് ആറ് വയസുകാരനെ കാണാതായി
പാലക്കാട്: ചിറ്റൂരില് ആറ് വയസുകാരനെ കാണാതായി. അമ്പാട്ടുപാളയം എരുമങ്കോട് സ്വദേശി അനസ് – തൗഹിത ദമ്പതികളുടെ മകന് സുഹാനെയാണ് കാണാതായത്. രാവിലെ പതിനൊന്ന് മണിയോടെ വീട്ടുമുറ്റത്ത് നിന്ന് കാണാതാവുകയായിരുന്നു. ചിറ്റൂര് പൊലീസിന്റെ നേതൃത്വത്തില് കുട്ടിക്കായി വ്യാപക തിരച്ചില് നടക്കുകയാണ്.
സഹോദരനുമായി പിണങ്ങി കുട്ടി വീട്ടില് നിന്നും ഇറങ്ങുകയായിരുന്നുവെന്നാണ് വിവരം. സാധാരണഗതിയില് മടങ്ങി വരാറുള്ള കുട്ടിയെ കാണാതായതോടെ തിരച്ചില് നടത്തുകയായിരുന്നു. സുഹാന് വേണ്ടി ഫയര് ആന്ഡ് റെസ്ക്യൂ ഇന്നത്തെ തിരച്ചില് അവസാനിപ്പിച്ചു. അതേസമയം, പൊലീസിന്റെ നേതൃത്വത്തില് തിരച്ചില് തുടരും. ഡോഗ് സ്ക്വാഡ് എത്തിയ കുളത്തില് കുട്ടി ഇല്ലെന്നാണ് പ്രാഥമിക വിവരം. കുട്ടിക്ക് ഫിക്സ് ഉണ്ട്. പ്രദേശത്ത് തന്നെ എവിടെ എങ്കിലും മയങ്ങി വീഴാനുള്ള സാധ്യത കൂടി പരിശോധിക്കും.
