20 August, 2026 01:39:01 PM
കോഴിക്കോട് വാഹനങ്ങള് കൂട്ടിയിടിച്ച് അപകടം; 4 പേര്ക്ക് പരിക്ക്
കോഴിക്കോട്: എടവണ്ണ കൊയിലാണ്ടി സംസ്ഥാന പാതയില് വാഹനങ്ങള് തമ്മില് കൂട്ടിയിടിച്ച് അപകടം. രണ്ട് ഓട്ടോറിക്ഷയും ഒരു കാറും ഒരു മിനി ഗുഡ്സ് ഓട്ടോയും ഉള്പ്പടെ നാല് വാഹനങ്ങള് കൂട്ടിയിടിച്ചാണ് അപകടമുണ്ടായത്. സംഭവത്തില് നാല് പേര്ക്ക് പരിക്കേറ്റിട്ടുണ്ട്. ഇവരെ ചികിത്സക്കായി ഓമശ്ശേരിയിലെ സ്വകാര്യ ആശുപത്രിയിലും മുക്കത്തെ സ്വകാര്യ മെഡിക്കല് കോളേജിലും പ്രവേശിപ്പിച്ചിരിക്കുകയാണ്. എടവണ്ണ കൊയിലാണ്ടി സംസ്ഥാന പാതയിലെ മുക്കത്തിനടുത്ത് മാടാമ്പുറം വളവിലാണ് വാഹനങ്ങള് തമ്മില് കൂട്ടിയിടിച്ച് അപകടമുണ്ടായത്. സംഭവത്തില് ആര്ക്കും ഗുരുതരമായ പരിക്കുകളില്ലെന്നാണ് പ്രാഥമിക നിഗമനം.
