26 July, 2026 01:44:57 PM
കാളവണ്ടി സൈഡ് നല്കാത്തതിനെച്ചൊല്ലി തര്ക്കം; പാലക്കാട് 24കാരനെ കുത്തിക്കൊന്നു
പാലക്കാട്: 24-കാരനെ യുവാവ് കുത്തിക്കൊന്നു. കാളവണ്ടിയുമായി പോകുന്നതിനിടെ വഴി നല്കാത്തതിനെ ചൊല്ലിയുണ്ടായ തര്ക്കമാണ് കൊലപാതകത്തില് കലാശിച്ചത്. കൊഴിഞ്ഞാമ്പാറ ഒഴലപ്പതിയിലാണ് സംഭവമുണ്ടായത്. കേരാംപാറ സ്വദേശിയായ ഷെഫീക്കാണ് കൊല്ലപ്പെട്ടത്. ഷെഫീക്കിന്റെ സുഹൃത്തിനും കുത്തേറ്റു. കേരാംപാറ സ്വദേശിയായ നെല്സണ്, ജെന്സണ് എന്നിവരാണ് ആക്രമിച്ചത്. കൊഴിഞ്ഞാമ്പാറയില് രാത്രി എട്ടുമണിയോടെയാണ് അക്രമം നടന്നത്.
നെല്സണ് കാളവണ്ടിയുമായി പോകുന്നതിനിടെ ബൈക്കിലെത്തിയ ഷെഫീഖിന് വഴി നല്കിയില്ല. ഇത് ചോദ്യം ചെയ്തതിന് പിന്നാലെ ഉണ്ടായ തര്ക്കമാണ് കൊലപാതകത്തില് കലാശിച്ചത്. ഷെഫീക്കിന്റെ മൃതദേഹം പാലക്കാട് ജില്ലാ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. ആക്രമണം നടത്തിയ ശേഷം ഒളിവില് പോയ പ്രതികള്ക്കായി കൊഴിഞ്ഞാമ്പാറ പൊലീസ് അന്വേഷണം ആരംഭിച്ചു.
