22 April, 2026 09:33:28 AM
കോഴിക്കോട് യുവാവും യുവതിയും ഒരേകയറിൽ തൂങ്ങി മരിച്ച നിലയിൽ
കോഴിക്കോട് : യുവാവിനെയും യുവതിയെയും മരിച്ച നിലയില് കണ്ടെത്തി. കുറ്റ്യാടി കള്ളാട് സ്വദേശി പഞ്ചാരപ്പറമ്പത്ത് ചാത്തന്കണ്ടി അജേഷ് (32), പേരാമ്പ്ര കുയിമ്പില് സ്വദേശിനി തട്ടാന്കണ്ടി ശരണ്യ (30) എന്നിവരാണ് മരിച്ചത്. മാമ്പിലാട് ആളൊഴിഞ്ഞ പറമ്പിലെ കശുമാവില് ഒരേകയറില് തൂങ്ങി മരിച്ച നിലയിലായിരുന്നു മൃതദേഹങ്ങള്. പുതിയ വീട് അടിച്ചുവാരാനാണെന്ന് പറഞ്ഞാണ് ചൊവ്വാഴ്ച രാവിലെ ശരണ്യ പോയത്. നേരം വൈകിയിട്ടും തിരിച്ചെത്താത്തതിനെ തുടര്ന്ന് പേരാമ്പ്ര പൊലീസില് പരാതി നല്കി. തുടര്ന്ന് പൊലീസ് ടവര് ലൊക്കേഷന് കേന്ദ്രീകരിച്ച് നടത്തിയ അന്വേഷണത്തില് തൊട്ടില്പ്പാലം കള്ളാട് മലയിലെ മാമ്പിലാട് കണ്ടെത്തുകയായിരുന്നു. വിവാഹിതയായ ശരണ്യക്ക് രണ്ട് മക്കളുണ്ട്. അജേഷ് അവിവാഹിതനാണ്.
