13 April, 2026 07:32:00 PM
കോഴിക്കോട് ട്രെയിനിൽ നിന്ന് 40 ലക്ഷത്തിന്റെ കുഴൽപ്പണം പിടികൂടി
കോഴിക്കോട്: കോഴിക്കോട് ട്രെയിനിൽ നിന്ന് കുഴൽപ്പണം പിടികൂടി. 40 ലക്ഷം രൂപ ആണ് പിടികൂടിയത്. നേത്രാവതി എക്സ്പ്രസിൽ നിന്ന് ആണ് റെയിൽവേ പൊലീസ് പണം കണ്ടെത്തിയത്. സംഭവത്തിൽ മഹാരാഷ്ട്ര സ്വദേശികളായ സ്വാജിത് ഗെയ്ല്സിംഗ്, മാധവ് സദാശിവ എന്നിവരെ റെയിൽവേ പൊലീസ് പിടികൂടി.
രാവിലെ പതിനൊന്ന് മണിയോടെ കോഴിക്കോട് എത്തിയ നേത്രാവതി എക്സ്പ്രസ്സിൽ പതിവ് പരിശോധന നടത്തുന്നതിനിടെയാണ് വൻ തുക കണ്ടെത്തിയത്. സംശയാസ്പദമായ സാഹചര്യത്തിൽ കണ്ട മഹാരാഷ്ട്ര സ്വദേശികളുടെ ബാഗ് പരിശോധിച്ചപ്പോഴാണ് നാൽപ്പത് ലക്ഷം രൂപയുടെ കുഴൽപ്പണം ഒളിപ്പിച്ച നിലയിൽ കണ്ടെത്തിയത്. ഇവർക്ക് നോട്ടീസ് നൽകി വിട്ടയച്ചു.
