01 April, 2026 08:00:08 PM
താമരശേരിയിൽ ചക്കയിടാൻ പ്ലാവിൽ കയറിയ ആൾ വീണു മരിച്ചു
കോഴിക്കോട്: കോഴിക്കോട് താമരശേരിയിൽ ചക്കയിടാൻ പ്ലാവിൽ കയറിയ ആൾ വീണു മരിച്ചു. താമരശേരി അടിവാരം മുപ്പതേക്കറിൽ താമസിക്കുന്ന കാസർഗോഡ് സ്വദേശി ഇബ്രാഹിം ആണ് മരിച്ചത്. ബുധനാഴ്ച രാവിലെ പത്തോടെയാണ് സംഭവം. താമരശേരിയിൽ താമസിച്ചു വന്നിരുന്ന ഇബ്രാഹിം സുഹൃത്തിന്റെ പറമ്പിലെ പ്ലാവിൽ ചക്കയിടാൻ കയറിയപ്പോഴാണ് അപകടമുണ്ടായത്. പിടിവിട്ട് പ്ലാവിൽ നിന്ന് വീഴുകയായിരുന്നു. സമീപത്തുണ്ടായിരുന്ന തൊഴിലാളികളാണ് ആശുപത്രിയിലേക്ക് കൊണ്ടുപോയത്. ഇബ്രാഹിമിനെ ഉടൻതന്നെ കോഴിക്കോട് മെഡിക്കൽ കോളജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മെഡിക്കൽ കോളജ് മോർച്ചറിയിലേക്ക് മാറ്റിയിട്ടുണ്ട്.
