09 March, 2026 04:39:01 PM
മുക്കത്ത് ഹോട്ടലിൽ മോഷണം; 5000 രൂപയും ധനസഹായ പെട്ടിയിലെ പണവും കവർന്നു
കോഴിക്കോട് : കോഴിക്കോട് മുക്കത്ത് ഹോട്ടലിൽ മോഷണം. വാതിൽ തകർത്ത് കടയിൽ കയറിയ കള്ളൻ 5000 രൂപയും ധനസഹായ പെട്ടിയിലെ പണവും കവർന്നു. ഇന്ന് പുലർച്ചെ നാല് മണിക്കാണ് മോഷണം നടന്നത്. കവർച്ച നടത്തുന്നതിൻ്റെ സിസിടിവി ദൃശ്യങ്ങൾ പുറത്ത് വന്നു. മുക്കം അഴിക്കോട് സമീപത്തുള്ള പുഴയോരം ആഡംബരം കഞ്ഞി കട എന്ന ഹോട്ടലിലാണ് മോഷണം നടന്നത്. ഹോട്ടൽ ഉടമ കട തുറക്കാൻ എത്തിയപ്പോൾ ആണ് കടയുടെ മുൻ വാതിൽ തുറന്ന് കിടക്കുന്നത് കണ്ടത്. ക്യാഷ് കൗണ്ടറിൽ ഉണ്ടായിരുന്ന 5000 രൂപയും പാലിയേറ്റിവ് കെയറിൻ്റെ ധനസഹായത്തിനായി വെച്ചിരുന്ന കുടുക്കയിൽ ഉണ്ടായിരുന്ന നാണയ തുട്ടുകളുമാണ് കള്ളൻ മോഷ്ടിച്ചത്. സംഭവത്തിൽ പൊലീസ് സമീപത്തെ സിസിടിവി ദൃശൃങ്ങൾ പരിശോധിക്കുന്നുണ്ട്. കള്ളൻ്റെ വ്യക്തമായ ദൃശ്യം പൊലീസിന് ലഭിച്ചിട്ടുണ്ട്.
