13 August, 2025 12:00:54 PM
മലപ്പുറത്ത് ചരക്ക് ലോറിക്ക് പിന്നില് പിക്കപ്പ് വാനിടിച്ച് ഡ്രൈവര് മരിച്ചു

മലപ്പുറം: കോട്ടക്കൽ എടരിക്കോട് മമ്മാലിപ്പടിയിൽ ദേശീയപാതയില് ചരക്ക് ലോറിക്ക് പിറകിൽ പിക്കപ്പ് വാൻ ഇടിച്ച് ഒരാള് മരിച്ചു. പിക്കപ്പ് വാന് ഡ്രൈവറായ താനൂർ സ്വദേശിയാണ് മരിച്ചത്. ഒപ്പമുണ്ടായിരുന്ന 17 വയസ്സുകാരനെ ഗുരുതര പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. ബുധന് പുലര്ച്ചെ 5.30ഓടെയാണ് അപകടം. കോഴിക്കോട് ഭാഗത്തേക്ക് പോവുകയായിരുന്നു ഇരുവാഹനങ്ങളും. ഇടിയുടെ ആഘാതത്തിൽ പിക്കപ്പ് വാനിനുള്ളില് കുടുങ്ങിയവരെ ശ്രമകരമായ ദൗത്യത്തിനൊടുവിലാണ് പുറത്തെടുത്തത്. ഫയര്ഫോഴ്സും പൊലീസും നാട്ടുകാരും ചേര്ന്നാണ് രക്ഷാപ്രവർത്തനം നടത്തിയത്.