30 July, 2026 09:27:55 AM
കുളത്തൂപ്പുഴയില് കാട്ടുപോത്ത് ആക്രമണത്തില് വയോധികന് ദാരുണാന്ത്യം
കൊല്ലം: കാട്ടുപോത്തിന്റെ കുത്തേറ്റ് വയോധികന് മരിച്ചു. ബിമാ മന്സിലില് ബഷീര് ആണ് മരിച്ചത് 68 വയസ്സായിരുന്നു. പുലര്ച്ചെ കുളത്തൂപ്പുഴ ജങ്ഷനിലേക്ക് വരുന്നതിനിടെയാണ് അപകടം ഉണ്ടായത്. കാട്ടുപോത്തിന്റെ ആക്രമണത്തില് ബഷീര് നിലത്ത് വീണു. പുലര്ച്ചെയായതിനാല് റോഡില് ആരും ഉണ്ടായിരുന്നില്ല. ഏറെ വൈകിയാണ് ആശുപത്രിയിലെത്തിച്ചത്. അപ്പോഴെക്കും മരണം സംഭവിച്ചിരുന്നു. ബഷീര് ചുമട്ടുതൊഴിലാളിയാണ്. പണിക്ക് പോകുന്നതിനിടെയായിരുന്നു അപകടം.
