05 June, 2026 12:19:45 PM
തിരുവനന്തപുരത്ത് തെരുവുനായ കുറുകെ ചാടി സ്കൂട്ടർ മറിഞ്ഞു; യുവാവിന് ദാരുണാന്ത്യം
തിരുവനന്തപുരം: തിരുവനന്തപുരത്ത് തെരുവുനായ കുറുകെ ചാടി അപകടം. അമ്മയും മകനും സഞ്ചരിച്ച സ്കൂട്ടറാണ് അപകടത്തിൽപ്പെട്ടത്. അപകടത്തിൽ മകന് ജീവൻ നഷ്ടമായി. കോഴിക്കോട് ഇരിങ്ങല്ലൂർ സ്വദേശി അതുൽ(26) ആണ് മരിച്ചത്. തിരുവനന്തപുരം തുമ്പ സ്റ്റേഷന് സമീപമാണ് അപകടം നടന്നത്. ഇന്നലെ രാത്രിയോടെ തുമ്പ ശാന്തിനഗർ മാർക്കറ്റിന് സമീപത്തുവെച്ച് തെരുവുനായ സ്കൂട്ടറിന് മുന്നിലേക്ക് ചാടുകയായിരുന്നു.
അപകടത്തിൽ അതുലിന്റെ തലയ്ക്ക് ഗുരുതരമായി പരിക്കേറ്റു. സ്വകാര്യ ആശുപത്രിയിൽ ചികിത്സയിലിരിക്കവെയാണ് മരണം സംഭവിച്ചത്. അതുലിന്റെ അമ്മ ജിഷ ചികിത്സയിലാണ്. തുമ്പ വിഎസ്എസ് സിയിൽ റിസർച്ച് ചെയ്യുകയാണ് അതുൽ. കോഴിക്കോട് സ്വദേശികളായ ഇവർ റിസർച്ചിന് വേണ്ടി തിരുവനന്തപുരം തുമ്പ ഭാഗത്ത് താമസിച്ച് വരുകയായിരുന്നു. പ്രദേശത്ത് തെരുവ് നായ ശല്യം രൂക്ഷമാണെന്നാണ് പ്രദേശവാസികൾ പറയുന്നത്.
