23 May, 2026 12:12:15 PM
കൊല്ലത്ത് നിയന്ത്രണം വിട്ട ബൈക്ക് മതിലിലേക്ക് ഇടിച്ചു കയറി; യുവാവിനു ദാരുണാന്ത്യം
കൊല്ലം: ബൈക്ക് നിയന്ത്രണം വിട്ടു മതിലിലേക്ക് ഇടിച്ചു കയറിയുണ്ടായ അപകടത്തിൽ യുവാവ് മരിച്ചു. ശൂരനാട് തെക്ക് തൃക്കുന്നപ്പുഴ തെക്ക് ചെറുകര കൗസ്തുഭം വീട്ടിൽ ശ്രീഹരി (24) ആണ് മരിച്ചത്. ഒപ്പമുണ്ടായിരുന്ന സുഹൃത്ത് നിസാര പരുക്കുകളോടെ രക്ഷപെട്ടു. കൊല്ലം- തേനി ദേശീയപാതയിൽ ഭരണിക്കാവ് ജംക്ഷന് സമീപം കടപുഴ റോഡിൽ രാത്രി 11നാണ് സംഭവം. തലയ്ക്കു ഗുരുതരമായി പരിക്കേറ്റ ശ്രീഹരിയെ ശാസ്താംകോട്ടയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
