09 May, 2026 05:42:58 PM
സതീശന് അനുകൂല പ്രതിഷേധം; 15 ഓളം നേതാക്കള്ക്ക് കാരണം കാണിക്കല് നോട്ടീസ്
തിരുവനന്തപുരം: വി ഡി സതീശനെ അനുകൂലിച്ചുള്ള പരസ്യ പ്രതിഷേധങ്ങളില് കോണ്ഗ്രസില് അച്ചടക്ക നടപടിക്ക് നീക്കം. പതിനഞ്ചോളം നേതാക്കള്ക്ക് കെപിസിസി കാരണം കാണിക്കല് നോട്ടീസ് നല്കി. ഹൈക്കമാന്റിനെ വെല്ലുവിളിച്ച് പ്രകടനം നടത്തിയതില് വിശദീകരണം തേടിയാണ് നോട്ടീസ്.
ചെമ്പഴന്തി അനില് ഉള്പ്പെടെയുള്ളവരോട് വിശദീകരണം ചോദിച്ചു. കെപിസിസി അംഗമാണ് ചെമ്പഴന്തി അനില് ഐഎന്ടിയുസി ജില്ലാ പ്രസിഡന്റ് വി ആര് പ്രതാപനും നോട്ടീസ് നല്കി. കൈമനം പ്രഭാകരന്, ടി സനാജ്, ആറ്റിങ്ങല് ഉണ്ണികൃഷ്ണന്, അംബിരാജ തുടങ്ങി 15 ഓളം നേതാക്കള്ക്കാണ് കെപിസിസി നോട്ടീസ്.
ഇന്നലെ തിരുവനന്തപുരം നഗരത്തില് നടത്തിയ ശക്തിപ്രകടനത്തിലാണ് നടപടി. കെപിസിസി വിലക്ക് ലംഘിച്ച് ഹൈക്കമാന്റിനെ വെല്ലുവിളിച്ച് പ്രകടനം നടത്തിയത് എന്ത് കാരണത്താല് എന്ന് വിശദീകരിക്കണം. മറുപടി തൃപ്തികരമല്ലെങ്കില് സംഘടനാ നടപടി സ്വീകരിക്കുമെന്നും നോട്ടീസില് പറയുന്നു.
