13 April, 2026 06:05:48 PM
യൂത്ത് കോൺഗ്രസ് മുൻ സംസ്ഥാന വൈസ് പ്രസിഡൻ്റ് എൻ.എസ് നുസൂർ സിപിഎമ്മിൽ ചേർന്നു
തിരുവനന്തപുരം: തിരഞ്ഞെടുപ്പിന് മുന്നോടിയായി പാർട്ടിവിട്ട കോണ്ഗ്രസ് നേതാവ് സിപിഎമ്മില് ചേര്ന്നു. യൂത്ത് കോണ്ഗ്രസ് മുന് വൈസ് പ്രസിഡന്റ് എന് എസ് നുസൂര് ആണ് സിപിഎമ്മില് ചേര്ന്നത്. എകെജി സെന്ററില് സിപിഎം സംസ്ഥാന സെക്രട്ടറി എം വി ഗോവിന്ദന് അംഗത്വം നല്കി. മതേതര മൂല്യങ്ങള് ഉയര്ത്തി പിടിക്കാനാണ് കോണ്ഗ്രസ് വിടുന്നതെന്ന് എന് എസ് നുസൂര് പറഞ്ഞു.
മതേതര രാജ്യത്ത് ഒരു ആശയം മുന്നിര്ത്തി മുന്നോട്ട് പോകുന്ന പ്രസ്ഥാനത്തിന് അതിന്റെ അസ്ഥിത്വവും മതേതര മൂല്യങ്ങളും നഷ്ടപ്പെട്ടു എന്ന് വ്യക്തിപരമായി ബോധ്യപ്പെട്ട സാഹചര്യത്തിലാണ് കോണ്ഗ്രസുമായിട്ടുള്ള എല്ലാ തരത്തിലുമുള്ള ബന്ധം വാക്ക് കൊണ്ടും പ്രവര്ത്തികൊണ്ടും മനസുകൊണ്ടുമൊക്കെ ഉപേക്ഷിക്കുന്നതെന്ന് നുസൂര് പറഞ്ഞു.
കോണ്ഗ്രസുമായിട്ടുള്ള എല്ലാ ബന്ധവും തിരഞ്ഞെടുപ്പ് നടക്കുന്ന ആ മാസത്തില് തന്നെ ഉപേക്ഷിച്ചിരുന്നുവെന്നും അദ്ദേഹം പറഞ്ഞു. കോണ്ഗ്രസിനും പാർട്ടി സ്ഥാനാർത്ഥികള്ക്കുമെതിരെ ഗുരുതരമായ ആരോപണങ്ങള് ഉന്നയിച്ച ശേഷമാണ് എന് എസ് നുസൂര് പാര്ട്ടി വിട്ടത്.
