24 July, 2025 07:07:23 PM
നാലാഞ്ചിറയില്‍ നടപ്പാതയിലൂടെ നടന്നുപോയ പെണ്‍കുട്ടികളെ ബൈക്ക് ഇടിച്ചു തെറിപ്പിച്ചു
തിരുവനന്തപുരം: തിരുവനന്തപുരം നാലാഞ്ചിറയിൽ ബൈക്ക് ഇടിച്ച് പെൺകുട്ടികൾക്ക് പരിക്കേറ്റു. രാവിലെ ഏഴ് മണിയോടെയാണ് അപകടം. ട്യൂഷൻ ക്ലാസിലേക്ക് നടപ്പാതയിലൂടെ നടന്നു പോയ കുട്ടികളെയാണ് നിയന്ത്രണം വിട്ടുവന്ന ബൈക്ക് ഇടിച്ച് തെറിപ്പിച്ചത്. നാട്ടുകാർ ചേർന്ന് ഇവരെ സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ലെന്നാണ് വിവരം. ടെക്നോപാർക്ക് ജീവനക്കാരനാണ് ബൈക്ക് ഓടിച്ചിരുന്നത്. സംഭവവത്തിൽ മണ്ണന്തല പൊലീസ് കേസെടുത്തു. കുട്ടികളെ വാഹനം ഇടിക്കുന്നതിന്റെ സിസിടിവി ദൃശ്യം പുറത്തുവന്നിട്ടുണ്ട്.
