20 January, 2026 01:09:05 PM
'വീഡിയോ ചിത്രീകരിക്കുന്ന സ്ത്രീകളെ ബലാത്സംഗം ചെയ്യണം'- ബിജെപി പ്രവർത്തകൻ അജയ് ഉണ്ണി
തൊടുപുഴ: ലൈംഗികാതിക്രമ ആരോപണത്തിന് പിന്നാലെ കോഴിക്കോട് സ്വദേശി ദീപക്ക് ജീവനൊടുക്കിയ സംഭവത്തില് ബലാത്സംഗ ആഹ്വാനവുമായി ബിജെപി പ്രവർത്തകൻ രംഗത്ത്. ഇക്കഴിഞ്ഞ തദ്ദേശ തെരഞ്ഞെടുപ്പില് തൊടുപുഴ മുനിസിപ്പാലിറ്റിയില് നിന്ന് എന്ഡിഎ സ്ഥാനാര്ത്ഥിയായി മത്സരിച്ച അജയ് ഉണ്ണിആണ് വിഡിയോ ചിത്രീകരിക്കുന്ന സ്ത്രീകളെ ബലാത്സംഗം ചെയ്യണമെന്ന ആഹ്വാനവുമായി രംഗത്തെത്തിയത്. വീഡിയോയിലൂടെയായിരുന്നു ഇയാളുടെ ആഹ്വാനം. യുവതിയെ പിന്തുണച്ചവര്ക്കെതിരെയും ഇയാള് മോശം പരാമര്ശങ്ങളാണ് നടത്തിയിരിക്കുന്നത്.
പീഡനക്കേസില് ജയിലില് പോയാല് എന്തിനാണ് പേടിക്കുതെന്ന് ഇയാള് ചോദിക്കുന്നു. സന്മനസുള്ള നമ്മുടെ സര്ക്കാര് എന്ത് കേസില് ജയിലില് പോയാലും 620 രൂപവെച്ച് നല്കുമെന്ന് ഇയാള് ജയില്പുള്ളികളുടെ വേതനം വര്ധിപ്പിച്ച നടപടിയെ പരിഹസിച്ചുകൊണ്ട് പറഞ്ഞു. ഇത്തരം ദുരനുഭങ്ങള് ആണുങ്ങള്ക്ക് ഇനിയും നേരിടേണ്ടി വരും. മരിക്കേണ്ടി വരുന്ന സാഹചര്യമുണ്ടായാല് അവരാദം പറയുന്നവരെ 'നേരെ ചെന്ന് ബലാത്സംഗം' ചെയ്യണമെന്നാണ് ഇയാള് പറയുന്നത്. അതിന് ശേഷം മരിക്കണം. ഒരു കുറ്റവും ചെയ്യാതെ മരിക്കേണ്ട കാര്യമില്ല. ഇങ്ങനെ സംഭവമുണ്ടായാല് സ്ത്രീകള് അതീജിവിതയാകുമെന്നും പുരുഷന്മാര് അവരാദിയായിമാറും. ആ അവസ്ഥയ്ക്ക് മാറ്റം വരണമെന്നും ഇയാള് പറയുന്നുണ്ട്.
