14 January, 2026 12:41:08 PM
പശ്ചിമബംഗാളില് നിപ; രണ്ട് നഴ്സുമാര്ക്ക് രോഗബാധ സ്ഥിരീകരിച്ചു, നില ഗുരുതരം
കൊല്ക്കത്ത: പശ്ചിമബംഗാളില് നിപ രോഗ സ്ഥിരീകരിച്ചു. ബരാസത് ആശുപത്രിയിലെ രണ്ട് നഴ്സുമാര്ക്കാണ് രോഗബാധ സ്ഥിരീകരിച്ചത്. ഇരുവരുടെയും നില ഗുരുതരമാണ് എന്ന് റിപ്പോർട്ടുകള് പറയുന്നു. ആരോഗ്യപ്രവര്ത്തകര് ഉള്പ്പെടെ സമ്പര്ക്കപ്പട്ടികയില് 120 പേരാണ് ഉളളത്. സര്ക്കാര് സംസ്ഥാന തലത്തില് ജാഗ്രതാ നിര്ദേശം പുറപ്പെടുവിച്ചിട്ടുണ്ട്. ഐസിഎംആറിന്റെ വൈറസ് റിസര്ച്ച് ആന്ഡ് ഡയഗ്നോസ്റ്റിക് ലബോറട്ടറിയിലാണ് നിപ കേസ് പോസിറ്റീവ് ആണെന്ന് സ്ഥിരീകരിച്ചത്. സ്ഥിതിഗതികള് സൂഷ്മമായി നിരീക്ഷിച്ചുവരികയാണെന്നും സമ്പര്ക്കമുണ്ടായവരെ കണ്ടെത്താന് നീക്കം സജീവമാണെന്നും കേന്ദ്ര മെഡിക്കല് സംഘം അറിയിച്ചു.
